Kennslu-og fræðslumyndir
Gaman að horfa á – Auðvelt að skilja – Árangursríkt til eftirbreytni

Hvert myndband er fáanlegt á sænsku, ensku, þýsku og íslensku.
DVD-diskarnir innihalda öll fjögur tungumálin.

"FRUMTAMNING"

Farið er skref fyrir skref í tamningaferil sem spannar um 3 mánuði og lögð áhersla á að sýna hlutina á faglegan og skýran hátt þannig að sem flestir hafi gagn og gaman af.
Tamningaferillinn er byggður á áratuga reynslu og faglegri þekkingu Benedikts og annarra.
Eðlisþarfir hestsins eru hafðar í huga og maðurinn kemur með sinn þátt inn í tamninguna út frá forsendum hestsins þannig að hesturinn verður sáttari. Tamningaferillinn er tiltölulega einfaldur og eitt leiðir til annars.   Hesturinn skilur og samþykkir það sem hann er að læra og temst því hraðar og betur.  Með þessari leið má einnig komast hjá átökum og vandamálum, sem yfirleitt orsakast vegna misskilnings milli manns  og hests, traust myndast og varanlegur grunnur er lagður fyrir áframhaldandi þjálfun.

Lengd: 60 mín
VHS og DVD
Price: 4000 kr + pökkun og póstburðargjald

"ÞJÁLFUN"

Í þessu myndbandi opnar Benedikt Líndal dyrnar á tamningastöð sinni og leyfir áhorfendum að fylgjast með þjálfun nokkurra hrossa í u.þ.b. eitt þjálfunartímabil.
Hann heldur áfram þar sem frá var horfið í fyrra myndbandi sínu um frumtamningu og sýnir hér áhorfendum ýmsar áhrifaríkar leiðir sem hann notar í framhaldsþjálfun. M.a. er komið inn á mikilvægi fjölbreyttra vinnubragða, þjálfun gangtegunda, hvernig við getum skapað jákvæða stemmningu til að viðhalda vinnugleðinni og auka árangur, rétta notkun stangaméla o.m.fl.

Með því að byggja upp gagnkvæmt traust og virðingu og með vinnubrögðum sem hesturinn skilur og samþykkir skapast grundvöllur til að laða fram það besta í hverjum einstökum hesti,
hvort heldur um er að ræða fjölskyldu eða keppnishest.
Markmiðið með þjálfuninni er að hesturinn verði vel taminn, þjáll og mjúkur, léttur í beisli, næmur,
 líkamlega sterkur og öruggur á mismunandi gangi.

Lengd: 80 min
Bæði á VHS og DVD
Price: 4000 kr + pökkun og póstburðargjald